ကရာအိုကေစာတန်းထိုးနည်းကို Sony Vega Pro 12 နဲ့ ပြုလုပ်ရအောင်။

Wednesday, 25 September 2013 By htwe naing

ကရာအိုကေစာတန်းထိုးနည်းကို တော်တော်များများပြုလုပ် ဖို့စိတ်ဝင်စားကြတယ်။ အခုခေတ်အနေ အထားနဲ့ဆိုအသက်မွေး ၀မ်းကြောင်းအားဖြင့်အသုံးတည့်တယ်လို့လည်းဆိုရမယ်။ အရင်က adobe aftereffect နဲ့ ကရာအိုကေစာတန်းထိုးနည်း ပို့စ်တင်ခဲ့ပြီးသားဖြစ်ပါသည်။ သို့သော်အတော် လက်ဝင်ပါတယ်။ အချိန်လည်းတော်တော်ပေး ရတယ်။

အခုတင်ပြမယ့် Sony Vega Pro 12 နဲ့ကရာအိုကစာတန်းထိုးနည်းသည် ပိုပြီးတော့အဆင်ပြေပါလိ့မ်မည်။ အချိန်လည်းသိပ်မကုန်လူလည်းသိပ် မပန်းလောက်တော့ဘူး။ ကျနော်အတတ်နိုင်ဆုံး ပုံ screen shot နဲ့တွဲပြီးရေးပြထားပါတယ်။ ဒါကလဲ မိမိမှာ edit အပိုင်း အခြေခံလေးတွေရှိ ထားတယ်ဆိုပိုပြီး အဆင်နိုင်တယ်။

edit အပိုင်းအခြေခံ မရှိထားဘူးဆို လျှင် နည်းနည်းတော့ခက်ခဲမှာ အမှန်ပင်။ သို့သော် လိုချင်မှု အားထုတ်မှုသည်သာပဓါနဖြစ်ပါသည်။ ထပ်ခါတလဲကြိုးစားကြည့်မည် ဆိုလျှင် ကရာအိုကေစာတန်းထိုး နည်းကို ဒီ Sony Vega Pro 12 နဲ့မခက်ခဲကြောင်းကို သဘောပေါက်လာပါလိမ့်မည်။

Sony Vega Pro 12 နဲ့ ကရာအိုကေစာတန်းထိုးနည်း

၁။ ထုံးစံအတိုင်း Sony Vega Pro 12 ကိုဖွင့်လိုက်ပါ။ (အင်စတောထည့်သွင်းနည်းတွေကို ကျနော့်ဆိုက်မှာတင်ထားပြီးသားဖြစ်သည်။) ဖွင့်ပြီလျှင် အောက်ပါအတိုင်း Main Screen မြင်ရမှာဖြစ်ပါသည်။

၂။ Menu က File ကိုနှိပ်ပြီး Properties ဆက်ကိုနှိပ်ပါ။ အောက်က ပုံအတိုင်း Template အကွက်တွင် မိမိစိတ်ကြိုက် ဗွီဒီယိုTemplate ကိုရွေးချယ်ပါ။ ကျနော်ကတော့ NTSC DV ကိုပဲရွေးလိုက်တယ်။ ကျန်တဲ့အကွက်တွေကို ခဏထားပြီး OK ကိုသာနှိပ်လိုက်ပါ။

၃။ Menu က View ကိုနှိပ်ပြီး Project Media ကိုနှိပ်ယူထားလိုက်ပါ။ (Main Screen ပေါ်က Project Media ကိုနှိပ် ယူထားလည်းအတူတူပင်)

၎။ Menu က File ကိုနှိပ်ပြီး import > Media နှိပ်ပါ ။ ထိုက်နောက် မိမိတည်းဖြတ်မည့်ဗွီဒီယိုဖိုင်၊ သီချင်းတွေကို ရွေးချယ်ပြီး Open ကိုနှိပ်ပါ။

၅။ Project Media တွင်ရောက်ရှိနေသောဗွီဒီယိုဖိုင်များအနက် မိမိတည်းဖြတ်မည့် ဗွီဒီိယိုဖိုင် ကို မောက်စ်နဲ့ဖိပြီး TmieLine သို့ Draft စွဲထည့်လိုက်ပါ။

၆။ TmieLine မှာရှိတဲ့ဗွီဒီယိုဖိုင်ကို ဗွီဒီယိုနဲ့ အသံနှစ်လိုင်းတွေ့ ရမှာဖြစ်ပါသည်။ Audio မှာ Stereo ရွေးချယ် ထားရင် အသံက နှစ်လိုင်းတွေ့ရမယ်။ Audio မှာ Single 1 လို့ရွေးထားရင် အသံတစ်လိုင်းပဲတွေ့ရမယ်။ အဲဒါတော့သတိထားနိုင်ဖို့ပါ။ အဲဒီဗွီဒီယိုနဲ့အသံဖိုင်ကို ခွဲထုတ်စေချင်လျှင် ၎င်းအသံဖိုင်နှစ်ခုစလုံးကို select ပေးပါ။

ပြီးတော့ အသံဖိုင်တည့်တည့်ကို Right Click ထောက်ပြီး Group > Clear {Ctrl + U} ကိုနှိပ်။ ထိုနောက် ကီးဘုတ်ပေါ်က Delete ကိုနှိပ် လိုက်ရင် အသံဖိုင်နှစ်ခုစလုံးပျက်သွားပါလိမ့်မယ်။

၇။ ဒီအဆင့်မှာ မိမိကရာအိုကေတည်းဖြတ်မည့် သီချင်းအသံဖိုင်ကို ခုဏ ကဖျက်လိုက်တဲ့ အသံ ဖိုင်နေရာ မှာစွဲထည့်လိုက်ပါ။ မလိုအပ်တဲ့အသံဖိုင်အပိုင်းတွေ ကိုဖြတ်ချင်တယ် ဆိုလျှင် ဖြတ်ထုတ်ချင်တဲ့ အပိုင်းတွေ ကိုရွေးပါ။ ပြီးတော့ ကီးဘုတ်ပေါ်က S ကိုနှိပ် ထိုနောက် ကီးဘုတ်ပေါ်က Delete ကိုနှိပ်လိုက်ရင် မိမိဖျက်ချင်တဲ့ဖိုင်တွေပျက်သွားပါလိ့မ့်မယ်။

၈။ ကရာအိုကေစာတန်းတည်းဖြတ်ဖို့အတွက် လက်ရှိဗွီဒီယို track မှာ Right Click ထောက်ပြီး Insert Video Track ကိုနှိပ်ပါ။ ( Video Track နှစ်ခုထပ်ယူပါ )

၉။ ထိုနောက် စာသားများရယူဖို့အတွက် Menu က View > Media Generators ကိုနှိပ်။

၁၀။ အောက်ပါပုံအတိုင်း Media Generators ဘောက်စ်ပေါ်လာမည်။ ထိုတွင် Title & Text ကိုရွေးပြီး Simple Text (Default) ကိုမောက်စ်နဲ့ဖိ ဒရက်ဖ်တ်စွဲပြီး ခုဏအသစ်ယူထားတဲ့ Video Track နှစ်ခု တည်းက အောက်ကအကွက်တွင် စွဲထည့်လိုက်ပါ။ ၎င်းစာသားကိုလည်း မိမိတည်းဖြတ် မည့်သီချင်း စာသားနဲ့ချိန်းပြီးရိုက်ထည့်ပါ။

ဖေါင့်အရွယ်အစားကိုလည်း၂၅ လောက်ထားပါ။ ဒီနေရာမှာ ကျနော်ကတော့ "ဟှေဝ် ထံင်လ်ုအ်ုယါင် ၀ဲါကျဝ်အေ" ဆိုတဲ့သီချင်းနဲ့ စာသားကိုနမူနာအ ဖြစ်တင်ပြသွားမယ်။

၁၁။ ဒီအဆင့်မှာ စာသားတွေကိုစတင်တည်းဖြတ်နိုင်ဖို့အတွက် Timeline အောက်က Play Bottom ကို ကလစ်နှိပ်ပြီးသီချင်းကိုနားထောင်ကြည့်ပါ။ "ဟှေဝ် ထံင်လ်ုအ်ုယါင် ၀ဲါကျဝ်အေ" ဆိုတဲ့ သီချင်းကိုကြားရမှာဖြစ်ပါတယ်။ ၎င်းသီချင်းနဲ့ စားသားတို့ကို နားထောင်ပြီး "ဟှေဝ်" ဆိုတဲ့အစကကို ကြားတာနဲ့ သီချင်းကိုရပ်ပြီး Time Indicator အတိုင်ကလေးကို၎င်း"ဟှေဝ်"တည့်တည့်မှာထားပါ။

အပေါ်ကရိုက်ထား တဲ့စာသားဖိုင်ကို မောက်စ်နဲ့ဖိစွဲပြီး "ဟှေဝ်" သီချင်းအစ တည့်တည့်မှာ ထားပါ။ ပြီးတော့ပြန်ပြီး Play လုပ်ပါ။ " အေ" ကိုကြားတာနဲ့ သီချင်းကိုရပ်ထားပါ။ ခုဏကစာသားဖိုင်ကို ရှည်လျှင်" အေ" အထိမောက်စ်နဲ့ပြန်စွဲယူပါ။ စာဖိုင်တိုလျှင်လည်း " အေ"အထိပြန်စွဲဆန့်ပါ။ (အာက်ကပုံမှာပါတဲ့ Time Indicator အတိုင်ကလေးကိုဂရုတစိုက် လုပ်ဆောင်ရမည်ဖြစ်သည်။ )

၁၂။ အထက်ပါစာသားဖိုင်ကို စိတ်ကြိုက်ပြင်ဆင်ပြီးလျှင် ၎င်းကိုကော်ပီပွားယူဖို့ စာသားဖိုင်တည့်တည့်ကို Right Click Copy ပြီးလျှင် Time Indicator ကို ၎င်းစာသားဖိုင်အစတည့်တည့်မှာထားပြီး အပေါ် Video Track မှာ Right Click Paste ကိုနှိပ်ပါ။ အောက်ပါပုံများအတိုင်းအဆင့်ဆင့်ကြည့်ပြီးလိုက်လုပ်ပါ။

၁၃။ ဒီအဆင့်မှာ စာသားဖိုင်နှစ်ခုရှိတဲ့အနက် အပေါ်ထရက်က စာသားဖိုင်ကို ကာလာ အရောင် ထားရမှာဖြစ်ပါတယ်။ ဆိုတော့ စာသားဖိုင်မှာပါတဲ့ generated media ဆိုတာကိုနှိပ်ပြီး Colour အကွက်တွင် အနီရောင် သို့မဟုတ် စိတ်ကြိုက်အ ရောင်ကိုရွေးပါ။

၁၄။ ဒီအဆင့်မှာ အရောင်ချယ်ထားတဲ့စာသားဖိုင်ကို အရောင်ပြေးအောင်ပြု လုပ်ပေး ရမှာဖြစ်ပါတယ်။ Timeline တွင် ခုဏက အရောင်ချယ်ထားသောစာဖိုင်ထဲမှာ Event FX ကိုနှိပ်ပြီး ထိုနောက်ပေါ် လာသောဘောက်စ်တွင် Sony Cookie Cutter ကိုနှိပ်ပြီး OK ပေးပါ။

၁၅။ Timeline က Time Indicator ကို စာသားဖိုင်ရဲ့အဆုံးနားလေးမှာထားပါ။ ထိုနောက် Sony Cookie Cutter ဘောက်စ်ပေါ်လာတဲ့ အခါ shape အကွက်တွင် square ကိုရွေးပြီး အောက်က Size ၏ အဆုံး အကွက်ကလေးကိုတစ်ချက်နှိပ်ပါ။

၁၆။ တစ်ဆက်တည်းမှာပဲ Sony Cookie Cutter ဘောက်စ်၏ ညာဖက် scroll bar ကို အောက် ဖက်နည်းနည်းစွဲချပြီး Size ကိုတွေ့လျှင် ၎င်း၏အတုံးကလေးကို မောက်စ်နဲ့ Time Indicator ဖက်သို့ စွဲတင်ပါ။ နောက်ပြီး Display screen စာသားကိုသတိထားကြည့်ပြီး အရောင်ကို မိမိလိုချင်တဲ့ စာသားေ၇ာက် သည့်အထိစွဲတင်ပါ။

သီချင်းကိုပြန်နားထောင်ကြည့်ပါ။ အရောင်ကရှေ့ပြေးပြီး သီချင်းကနောက် ကျနေလျှင် ၎င်းသီချင်း တည့်တည့်မှာ Time Indicator ကိုရပ်ထားပြီး ခုဏ Size ကအတုံးကို အနောက်ဖက်ပြန်စွဲပါ။ အလားတူ သီချင်းကအရင်သွားပြီး အရောင်ပြေးတာနောက်ကျနေလျှင် အရင်သွားတဲ့သီချင်းတည့်တည့်မှာ Time Indicator ကိုရပ်ပြီး Size ကအတုံးကလေးကို Time Indicator ရပ်ထားတဲ့နေရာ အထိစွဲတင်ပါ။ ဒါဆိုအရောင်ပြေးတာ သီချင်းနဲ့ကိုက်ညီသွားပါလိမ့်မည်။

၁၇။ အားလုံးပြီးလျှင် Render လုပ်ဖို့အတွက်နည်းနည်းပြင်ရအုန်းမယ်။ အောက်ပါပုံအတိုင်း Project Video Properties ကိုနှိပ်ပါ။ ဘောက်စ်ပေါ်လာလျှင် Template အကွက်တွင် NTSC DV ကိုရွေးပါ။ Field Folder အကွက်တွင် None Progressive scan ကိုရွေးပါ။ Full Resolution Rendering အကွက်တွင် Best ကိုရွေးပြီး OK ပေး လိုက်ပါ။

၁၈။ ပြီးတော့ Timeline တွင်လည်း Loop Reign ကို မိမိ ပရောဂျက်ဖိုင်ရဲ့ အစ၊ အဆုံးပေးထားပါ။

၁၉။ ဒါတော့ ဗွီဒီယိုဖိုင်ဖြစ်လာဖို့ နောက်ဆုံး Render လုပ်ရမည့်အဆင့်ပါ။ File> Render As ကိုနှိပ်ပါ။

Render As ပေါ်လာလျှင် Name ကို နာမည်ပေးပါ။ Output Format တွင် မိမိစိတ်ကြိုက်ရွေးပါ။ ကျနော်အနေနဲ့ NTSC DV ကိုရွေးပါ။ ထိုနောက် Customize Template ကိုရွေးပြီး Template တွင် NTSC DV ကိုရွေးပါ။ အောက် ခြေက Project ကိုရွေးပြီး video rendering quality တွင် best ကိုရွေးပါ။ OK ကိုနှိပ်လိုက်တာနဲ့ Render လုပ် နေတာတွေ့ရမှာဖြစ်ပါတယ်။ ဗွီဒီယိုအချိန်ကြာတာကိုမူတည်ပြီး Render လုပ်သွားမှာဖြစ်သည်။

အများသူငှာ အကျိုးများစေနိုင်တဲ့ဒီ ကျူတူရီယ်လ်ကို အချိန်ပေးပြီးရေးခဲ့ရ သည့်အတွက် ကျနော် မည် သည့်နေ ရာ ပဲရောက်ရောက် ပညာပါရမီအဖြစ်ရည်စူးပါသည်။

ဒီနည်းလေးကိုတော့

ကနေ ပြန်ရှယ်ထားတာပါ။ အားလုံးနားလည်စေချင်တဲ့ စေသနာဖြစ် ပြလည် တင်ပေးလိုက်ပါတယ်။ ကျနော်ကိုယ်တိုင်လည်း အခုမှစလေ့လာဆဲပါ ကောင်းကောင်းနားမလည်သေးပါဘူး။ ဒီနည်းလေး ကိုရေးပေးတဲ့ ကိုစောလင်းနက် ကိုအထူးကျေးဇူး တင်ပါတယ်။ Sony Vega Pro 12 ဆောဝဲလေးကိုတော့ ကျနော် ထပ်တင်ပေးပါမယ်။ အခုနည်းလေးရလို့ ၀မ်းသာအားရနဲ့ တင်ပေးလိုက်တာပါ။

အားလုံးအဆင်ပြေပါစေ.......။

ဇော်မင်းသန်း

www.zawminthan.com

Share this post

ထွေးနိုင်ဝင်း