Chrome VS Firefox: Chrome ထက်ပိုမိုကောင်းမွန်တဲ့ Firefox ရဲ့ စွမ်းရည်များ

Friday 3 January 2014 By htwe naing

Desktop Browsers တွေများစွာရှိပေမယ့် နာမည်ကြီးပြီး လူသုံးများတဲ့ Browser သုံးခုပဲရှိပါတယ်။ Chrome, Firefox, IE တို့ ဖြစ်ကြပါတယ်။ Chrome ဟာ Firefox ထက်ပိုမြန်ပြီး လုံခြုံမှု ရှိတယ်လို့ လူသိများပါတယ်။ Chrome ဟာ Firefox ထက်အားသာချက်တွေအများကြီး ရှိသလို Firefox က Chrome ထက်အားသာချက်တွေ အပြန်အလှန်ရှိပါတယ်။ ဒီဆောင်းပါးမှာ Firefox က Chrome ထက်အားသာတဲ့အချက်တွေကို ရေးပေးလိုက်ပါတယ်။

Customization
ဒီအပိုင်းမှာ သိသိသာသာပဲ Firefox က အနိုင်ရရှိပါတယ်။ Firefox မှာ Elements တွေကို နှစ်သက်ရာ နေရာပြောင်းနိုင်ပါတယ်။ Chrome မှာ အဲဒီလိုလုပ်လို့မရပါဘူး။ အထူးသဖြင့် Elements တွေကိုနေရာပြောင်းတာတွေ၊ Default အားဖြင့် မပါရှိတဲ့ Elements တွေကို ထည့်သွင်းတာတွေ ကို Chrome မှာ ပြုလုပ်လို့မရဘဲ Firefox မှာ ပြုလုပ်နိုင်ပါတယ်။
Firefox မှာ Buttons, Menus တွေကို ပြောင်းရွှေ့နိုင်သလို Sidebar Menus တွေကို ထည့်သွင်းနိုင်ပါတယ်။ ဒါ့အပြင် Extension တွေ အင်စတောလုပ်ပြီး Icons, Options တွေကို ထည့်သွင်းနိုင်ပါတယ်။ ဥပမာအားဖြင့် Font Size ပြောင်းပေးနိုင်တာ၊ Tab တွေရဲ့ အရွယ်အစားကိုပြောင်းပေးနိုင်တာ စတဲ့ Extension တွေ Firefox မှာ ရှိပါတယ်။

Themes
Themes အပိုင်းမှာ Firefox က ပိုကောင်းပါတယ်။ Chrome မှာ ဆိုရင် အရောင် နဲ့ နောက်ခံပုံ ကို ရွေးချယ်နိုင်တဲ့ Themes တွေပဲရှိပါတယ်။
Firefox မှာ Browser ရဲ့ ပုံပန်းသွင်ပြင်ကို လုံးဝ ပြောင်းလဲပေးနိုင်တဲ့ Themes တွေရှိပါတယ်။ အိုင်ကွန် ဒီဇိုင်းအသစ် တွေ၊ မတူညီတဲ့ Layout တွေ၊ Classic Themes တွေ စတာတွေပါရှိပါတယ်။

Memory အသုံးပြုမှု
Firefox ရဲ့ RAM Memory အသုံးပြုမှုဟာ အတော်နည်းပါးသလို Extension တွေရဲ့ Memory အသုံးပြုမှု ကလည်း နည်းပါးပါတယ်။ Chrome, Internet Explorer, Firefox and Opera တို့ရဲ့ Memory အသုံးပြုမှု ကို စမ်းသပ်ကြည့်တဲ့ အခါမှာ Chrome ရဲ့ Memory အသုံးပြုမှုက အများဆုံးဖြစ်ပါတယ်။ Chrome က ၀က်ဆိုက်တွေ၊ Extension တွေကို သီးခြား Process အဖြစ် အသုံးပြုပါတယ်။ ဒီအချက်ဟာ တည်ငြိမ်မှု၊ လုံခြုံမှု တို့မှာ ကောင်းမွန်ပေမယ့် Memory အသုံးပြုမှုက အလွန်များပြားပါတယ်။

Extension
Extension တွေရဲ့ စွမ်းဆောင်ရည် က Firefox မှာ ပိုမိုကောင်းမွန်ပါတယ်။ နာမည်ကြီး Extension တွေအားလုံးကို Firefox ရော Chrome မှာပါ အသုံးပြုနိုင်ပေမယ့် Chrome Extension တွေ မလုပ်ပေးနိုင်တဲ့ အလုပ်တွေကို လုပ်ပေးနိုင်တဲ့ Firefox Extension တွေရှိနေလို့ဖြစ်ပါတယ်။
Chrome မှာ Firefox ရဲ့ DownThemAll လို ကောင်းမွန်တဲ့ Download Manager မရှိပါဘူး။ Firefox ရဲ့ Automatic Save Folder လို ဒေါင်းလုပ် လုပ်တဲ့ ဖိုင်တွေကို ဖိုင်နာမည် အလိုက် ဒါမှမဟုတ် ဒိုမိန်းအလိုက် အလိုလို ခွဲခြား သိမ်းပေးနိုင်တဲ့ Extension မျိုး Chrome မှာ မရှိပါဘူး။

Privacy
Google က ကြော်ငြာ လုပ်ငန်း တစ်ခုလည်း ဖြစ်ပြီး သူ့ရဲ့ ၀န်ဆောင်မှု တွေကို အသုံးပြုသူတွေရဲ့ ဒေတာတွေကို စုဆောင်းရယူပါတယ်။ Firefox က တော့ အသုံးပြုသူရဲ့ သတင်းအချက်အလက်တွေကို ရယူခြင်း မရှိဘူးလို့ ဆိုပါတယ်။ Privacy ကို စိုးရိမ် ရင် Firefox က သင့်တော်ပါတယ်။

ရွေးချယ်နိုင်တဲ့ Search Bar
Firefox မှာ Search Engine တွေကို လွယ်ကူစွာပြောင်းလဲနိုင်ဖို့ ပြုလုပ်ပေးထားပါတယ်။ Chrome မှာ တော့ Settings ထဲသွားရောက် ပြောင်းလဲရတာက အလုပ်ရှုပ်စေပါတယ်။

Plug-Ins
Google က ၂၀၁၄ ခုနှစ်မှာ Plug-Ins တွေကို အသုံးပြုခွင့်ပေးမှာ မဟုတ်တော့ဘူးလို့ ကြေညာထားပါတယ်။ Adobe Flash, Adobe Reader, Java တို့ကို Chrome မှာ အသုံးပြုလို့ ရချင်မှရတော့မှာပါ။

နိဂုံး
ဘယ် ဘရောက်စာကို အသုံးပြုသင့်သလဲဆိုတာကတော့ စာဖတ်သူရဲ့ အသုံးပြုမှုအပေါ်မူတည်ပါတယ်။ အပေါ်မှာဖော်ပြထားတာက Firefox ရဲ့ အားသာချက်တွေဖြစ်ပါတယ်။ အပြန်အလှန်အားဖြင့် Chrome ရဲ့ အားသာချက် တွေလည်း ရှိပါတယ်။

Share this post

ထွေးနိုင်ဝင်း